نكت تمت على نفسك من الضحك

واحد ندل قاعد عند قبر واحد لسه ميت وعمال يصوت ويعيط.. مر عليه راجل كبير فقال له: عظم الله اجرك.. هو الميت يقربلك ايه؟ فرد عليه: ده كان واحد مبحبهوش بس انا عارف ان الصويت والعياط هيخليه يتعذب فى قبره

واحد دخل كافتريا لقى جورج بوش وتوني بلير قاعدين جوه.. إستغرب قوى وسألهم: إنتوا بتعملوا إيه هنا؟!
جورج بوش قاله: بنخطط لحرب عالمية تالتة.. عايزين نموت 10 مليون افغانستانى وواحد عجلاتى.
الراجل إستغرب جداً وقاله: طب حتموت ليه العجلاتى؟! بوش ضحك قوى وبص لبلير وقاله: مش قلت لك محدش حيسأل على الـ10 مليون أفغاني

واحد كان عنده كتكوت مفترس ، كل ما يدخله قفص الفراخ يقوم الكتكوت ياكلهم ، وفي قفص القرود ياكلهم ، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه بعد 3 أيام ، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت مت ؟ قام الكتكوت وقال له : يخرب بيتك بوظت الكمين

واحد سكران كان بيعاكس وحدة وحشةاوي بالليل فكان بيقول لها يا وحشة يا وحشة
راحت ملتفتة ليه وقالت له يا سكران راح قايل لها طب انا سكران حفوء بكرة وانتي

مسطول بيسأل صاحبه هو الزيتون له رجلين ؟؟ قال له : لا ... قال : يبقى انا أكلت خنفسه

مرة واحد عالم حب يعمل تجربة علي ضفدعة قام قطعت الرجل الاولى و قالها نطى فنطت فكتب ملاحظة عند قطع الرجل الاولى الضفدعة تنط فقطع الرجل الثانية قالها نطى فنطت كتب الملاحظة الاولى قطع الرجل الثالثة وقالها نطى فنطت و كتب نفس الملاحظة و قطع الرجل الرابعة والها نطى منطتش فكتب عند قطع الرجل الرابعة الضفدعة تفقد حاسة السمع

مدرس كيمياء رزق بولد .... فسماه سامي أكسيد الكربون

قزم اتخانق مع مراته زعلت منه حطت جذمته فوق التلفزيون وخرجت

مره واحد صعيدى قابل واحده اجنبيه
سالها : انتى منين
قالتله: وات ؟ what ?
قالها: اجدع ناس الوتاوته

مرة واحد صعيدى بيدهن الحيطة.... قالوله طب حط جرنال تحتك... قال لهم : لا مش مهم انا كدا طايل

واحد صعيدى قال لابوه انا عاوز موبايل ابوه قاله موافق بس بشرط تركب اخواتك معاك

بيقولك مرة فار ماشى مع خطيبته فى الغابة وفجاة لاقى الاسد ,فحب يعمل راجل قدام خطيبته فراح للاسد قاله : انت حيوان .. الاسد رد قاله: انت بتشتمنى انا ؟؟ رد الفار وقاله: ايوة بقلك انت ..
و مشىالفار وراح وصل خطيبته لبيتها..
وهو راجع قابله الاسد قالوا : انت كنت بتشتمنى انا يا فار؟؟
قالوا: لا والله دا انت ملك الغابة هو حد يقدر يشتمك ؟؟
انا اسف وهات راسك ابوسها..
طلع الفار على راسوا عشان يبوسها فلقى خطيبتوا معديه..
فقال للاسد: ادوس على دماغ امك دلوقتى؟؟؟

مره واحد شاف فى عالم البحار الغواصين و هما فى المايه راح أخد انبوبه الغاز و نزل بيها فى المايه ....
و لما راحوا يبلغوا خبر وفاته لزوجته قالت انا كنت حاسه...
ما انا قلتله ياخد معاه المنظم ما سمعش الكلام

مرة واحد جاب بغبغان هدية لواحد صعيدى وبعد كام يوم سألة
اية اخبار البغبغان ??.
قال له عادى يعنى طعمة طعم فراخ

بلدينا داخل عند حلوانى قاله عندك جاتو قاله اه قاله هاتلى قفصين

اتنين مساجين اتفقوا يكسروا باب السجن ويقتلوا الحارس ويهربوا. كسروا باب السجن ملقوش الحارس قعدوا يستنوه

جماعة حشاشين قاعدين في غرزة قالوا عايزين كبريت واحد منهم قال أنا اجيبلكم الكبريت طلع ودخل من الباب الثاني قال يا جماعة ألاقى عندكم كبريت قالوله استريح لسه باعتين واحد أول ما يرجع نديلك واحد

واحد بيحلق دقنه التليفون رن ، عور نفسه عشان لما يرجع يعرف هو وقف لحد فين

مسطول مزور ورقة بنكنوت انما 10/10 مع ذلك مسكوه ياترى ليه ؟
عشان كان مزور ورقة بستين جنيه

في واحد كريم انحرق بيته لما جت المطافي حلف عليهم ما يعملوا حاجه لحد ما يشربوا القهوة

اثنين محششين واحد قال تصدق بالي مشغول ، قاله الثاني أكيد السماعه مرفوعه

واحد محشش كان هايخبط واحدة بالعربية . قالتله انت ماشفتنيش . قالها أيوه شفتك بس مش فاكر فين؟؟

اثنين محششين قاعدين قدام مرايه الأول قال قوم نسلم على اللي قاعدين قدامنا ، ولما وقفوا قال الثاني اقعد اقعد هما جايين علينا

مرة اثنين عندهم كلاب صيد
صاحب الكلب الاول أول ما يضرب طلقة من الندقية
يجرى الكلب ويروح يجيب الفريسة
والثانى أول ما يضرب الطلقة كلبه يكّش
فنصحة صاحبة انه يروح أفراح في الارياف، فالكلب هيتعود على صوت الرصاص
راح الارياف وفضل يحضر فى افراح لمدة 6 شهور
وبعدين رجع يصطاد، راح ضارب طلقة من البندقية
راح الكلب وقف على رجله وقعد يزغرط

دكتور بيعمل عملية في مخ مريض وطلّع المخ وحطة في الصينية جنبه
وشغال في الـجـمـجـمـة شوية ودخلت قطة وكلت المخ
الدكتور احتار ملقاش غير جوز الجزمة حطها في الجـمـجـمـة وقفل
وبعد كام سنة ساله واحد زميلة بيقول له اخبار مريضك بتاع الجزمة ايه ؟؟
رد علية وقال له عقبال املتك دا بقي الوزير بتاعنا

عيلين صغيرين ماشيين
فالشارع لقوا قطة فالاول قال للتاني انا هاخد القطة دي اربيها
التاني قالوه ماينفعش كدة تجيبلك امراض اغسلها الاول
تاني يوم جه الولد بيعيط
وبيقول لصاحبه القطة ماتت وانت السبب انت ال قولتلي اغسلها
صاحبه قاله ماتت وانت بتغسلها
قاله لاماتت ونا بعصرها

واحد قالو له الحق مراتك قاعدة مع صاحبك في البستان
راح جاري ورجع على طول وقال لهم هم شجرتين عملتوهم بستان
والراجل طلع لا صاحبي ولا اعرفو

وحده تقول لزوجها ادبح خروفين بمناسبة مرور 25 سنه على زواجنا
قال زوجها طيب و إيه ذنب الخروفين في غلطه انا ارتكبتها من 25 سنه

هوجى أشترى عربية طلع الكراسى بره

واحد بلدياتنا وقع في خلاط الأسمنت طلع منه قال يخرب بيت الملاهي

واحد بلدياتنا اشتري كمبيوتر... شال الموس وحط جاموسة

بلدياتنا أول مرة يشوف واحد فلبيني قال يا بخته ده شبعان نوم

واحد بلدياتنا راح السفاره الامريكيه علشان يسافر امريكا فقلوله انتا معاك لغه فقلهم لغة اه الحكايه كلها عملية فهلوه فسفروه فعدى من ادام مكان فيه فرح كبير قوى فسال واحد خواجه فساله(هو فرح مين ده يا خواجه) فقله اى دونت نوه فعدى تانى بعدها بيوم فلئى جنازه كبيره قوى فى نفس امكان فسال واحد خواجه (هو مين اللى مات) فئله اى دونت نوه فقله لاحول ولا قوة الا بالله دكان لسه فرحه امبارح

واحد بلدياتنا راح يزور واحد يابانى صاحبه فى مستشفى فى اليابان اليابنى كان نايم وبيتنفس بجهاز التنفس الصناعى فبلدياتنا بيقول لليابانى شد حيلك امال واليابانى يرد ( يوكى شنج ) وبلدياتنايقول ( يوكى شنج ) دى فى عنيا بس شد حيلك انت اليابانى ( يوكى شنج ) وبعدين مات وفى الجنازه بتاعته بلدياتنا كان بيقول لواحد صاحبه الله يرحمه كان بيوصينى على بنته ( يوكى شنج ) قبل ما يموت رد صاحبه ( يوكى شنج ) دى مش بنته ده كان بيقولك قوم من على خرطوم الاكسجين

الموساد قرر أنه يشغل جاسوس صعيدى عنده بعد طول بحث أستقروا على هريدى راحوا لهريدى و خدوه تل أبيب و قعدوا يدربوه 6 شهور و بعدها قالو ليه أنه كدة جاهز للمهمة بتاعته
هريدى : يعنى حارجع مصر
مدرب الموساد : أيوة .. تروح و تنفذ كل التعليمات اللى قلنالك عليها
هريدى : طب ازاى حاتصل بيكم
مدرب الموساد : لا لا .. انت ماتتصلش .. احنا لما نحب نتصل بيك حانبعتلك مندوب يقوللك ازايك و ازاى امك .. تعرف أنه تبعنا .. ماشى يا هريدى
هريدى : تحت أمرك يا فندم
و بالفعل رجع هريدى مصر .. و بعد شهرين أحس الموساد انه لازم يتصل بهريدى .. فراحوا باعتينله مندوب
المندوب لبواب العمارة بتاعت هريدى : هو هريدى ساكن فى أنهى شقة
البواب : أنهى هريدى يا بيه .. العمارة فيها 4 هريدى
المندوب خاف لحسن العملية تنكشف : قولى شقة أى واحد فيهم
البواب : عندك واحد ساكن فى الدور الأول
طلع المندوب و خبط على الشقة اللى فى الدور الأول
المندوب : أنت هريدى .. ازايك و ازاى أمك
هريدى : أنت عايز هريدى الجاسوس .. هو ساكن فى الدور الرابع

ثلاثة صعايدة قرروا أن يعملوا مزرعة كتاكيت فحفروا حفرة ورموا فيها الكتاكيت وردموا الحفرة واستنو يوم .. يومين.. ثلاثة وشجرة الكتاكيت مطلعتش، جربوا مرة تانية ومفيش فايدة فقررو يبعتوا أخوهم اللى بيدرس في أمريكا و بيحضر دراسات عليا. فقال لهم ابعتو لي بعض العينات من التربة

اتنين صعايدة عاوزين يشربو سجاير ومش معاهم قالو ندخل ميتم بيوزعو سجاير هناك ، دخلو قعدو جمب واحد فى الصوان بيدخن قال الاول : انفاس معدودة وقال التانى : كلنا لها رد الراجل : محدش واخد منها حاجة

واحدصعيدى راح يشترى لمراته جزمة فراح لمحل وقال لصاحب المحل عايز جزمه من غير كعب وخفيفه شويه ورخيصه صاحب المحل قال ماشى وجاب الجزمه فقالت مراته ده مينفعش انا عايزه بكعب ودبت خناقه فصاحب المحل قرف منهم فقال للصعيدى متخدها بكعب هو انت الى حتلبسها قال لع من غير كعب هو انت الى حتنضرب بيها

مرة اتنين صعايده دخلو كليه الطب واحد اتخرج محامى والتانى محاسب

مرة واحد بلدياتنا حب يطور الهليكوبتر فك المروحة وركب تكيف

واحد صعيدى أعمى فتّح .. من الفرحة انشل

واحد بلدياتنا لقى مصباح علاء الدين ،طلعله العفريت
شبيك لبيك عبدك ملك اديك تطلب ايه
عايز كوبري طوله 1000 كيلو يوصل بين الشرق والغرب
لأ دي صعبه أوي شفلك طلب تاني
طب عايز الصعايده كلهم يبقول أذكيا
انت قلتلي الكوبري رايح جاي والا رايح بس؟


أبو العربى قاعد على القهوة مع أصحابة قال لهم ياسلام يا ولاد على دى أيام لما كنت طيار قبل ما سيب الشغلانا دى وأشتغل فى الجمرك
سألوة أصحابة وحصل أية قال لهم ما أنساش دة يوم لما كنت سايق الطيارة وقاعد فى الكابينة قدام والركاب كلها قاعدين فى المقطورة ورا.. ومرة واحدة الماتور اليمين وقف..
سألوة أصحابة وعملت أية
قالهم... قلة أدب ياراجل كل شوية ماتور يوقف رحت موقف الشمال كمان... ورحت دايس على زرار خليت الجنحة ترفرف لحد ما وصلنا بالسلامة

واحد بلديتنا قاعد في موتمر دولي فواحد فرنساوي قام وقال احنا حفرنا تحت برج ايفل و لقينا اسلاك تليفونات و ده دليل علي ان التليفونات عندنا من 100 سنه
فقام واحد ايطالي و قال احنا بقا حفرنا تحت برج بيزا و لقينا اسلاك وده معناه ان التليفونات عندنا من 500 سنه
فقام واحد بلديتنا قال و احنا حفرنا تحت الاهرامات و ملقيناش حاجه خالص و ده دليل علي ان من 5000 سنه كان عندنا المحمول

واحد بلدياتنا جاله تليفون بيقوله يا صميده امك و ابوك و مراتك و اولادك كلهم ماتوا صاحبنا سمع الخبر قال الحياه ملهاش لزمه و راح طالع فوق عماره 30 دور و رمي نفسه بين 30و20 قال الله انا امي و ابويا ماتوا من زمان بين
و قال الله انا مش متزوج قبل ما يقع علي الارض يابوووى انا مش اشمي صميده

اعد امريكى مع صعيدى يتكلم عن تقدم بلدة وانهم اول ناس طلعوا القمر
فالصعيدى سألة ولقيتة اية هناك؟
قالة رمل و زلط
قالة اهوة دة احنا اللى مطلعينة

مرة اتنين صعايدة واحد منهم معاة قفة فقال للتانى لو جولتلى الجفة دية فيها اية حديلك منها بلحتين
قالة هع --جوافة

مرة واحد مش عايز يزعل صاحبة الصعيدى لكن عايز يقولة نكتة
فقالة مرة واحد اسكندرانى ففرح اوى لكن كمل النكتة وقالة
كان مربى واحد صعيدى فوق السطوح

واحده بتخون جوزها,فجاه جوزها رجع بدرى من الشغل ,قعدت تلطم اوديك فين يا منيل جوزى جه استخبى ورا التليفزيون,جوزها دخل قالها خدى يا وليه اقلى السمك ده على ما اتفرج على الماتشودخلت المطبخ وهى بتقلى السمك كل شويه السمك يقع منها على الارض قالتلو خد يا راجل الحق ايه السمك الصاحى ده كل ما اقلى سمكه تنط على الارض الها امال انا اعمل ايه كل ما الاهلى يجيب جون الاقى واحد طالع من التليفزيون يبوسنى ويرجع تانى

مدرس انجليزى دخل الفصل قوم عيل قالو ولد يعنى ايه,قالو بوى ,قالو دخلها فى جمله قالو واه يا بوى

سلحفاه تزوجت ارنب وبعدين قالها روحي جبلنا خضار عشان ناكل اتاخرت شهر شهرين ومجتش بيفتح باب البيت لقاها واقفة قالها انتي لسة ما روحتيش قالتله والله لو زعقت انا مش راحة

دكتور في المحاضرة قال ان الاسئلة مرتبطة بالمنهج قام طالب مادخلش الامتحان عشان مابيحبش يدخل بين اتنين مرتبطين

مرة اتنين اصحاب بيقولو ابعض تصدق انا الخدام بتاعى غبى اوى فالتانى قالوه لا ده انا الخدام بتاعى اغبى فقالوه الاولانى تعالى نشوف فجه الاول ونادى الخدام بتاعه وقالوه خد الربع جنيه ده وروح اشترى ليه عربيه مرسيدس والثاني نادى الخدام بتاعه وقالوه روح النادى وشوفنى هناك ولا لآ فراحوا الخدامين و اتقبلو فى السكه فواحد منهم قال للتانى تصدق الراجل اللى انا بشتغل عنده غبى اوى تصور بعتنى اشتريله عربيه و ما يعرفش ان انهارده الحد والمحلات قافلة فالتانى قاله لا ده انا بشتغل عند واح اغبى من بتاعك تصور بعتنى النادى اشوفه هناك يعنى مش قادر يرفع سماعة التليفون و يسأل على نفسه

مره في واحد مسطول راكب البص السفري وجنبو واحد بلديات المسطول فتح التكيف قام بلدياتنا قال له انا بردان من المكيف المسطول رد عليه إتشرفنا وانا عباس من الزمالك

كتبت صحيفة خبرا عن ان الانجليز هم اكثر الشعوب بخلا فقام رجل انجليزى بارسال رسالة للجريدة يقول فيها اذا لم تنشروا تكذيبا لهذا الخبر فسوف امتنع عن استعارة جريدتكم من جارى